Gazal
Bina hamaraah ke chaahe safar achchha nahin lagata.
chalo himmat juta phir bhee ye dar achchha nahin lagata.
kadee ho dhoop to sabako ghaneree chhaanv deta hai.
agar patte jharen hon to shajar achchha nahin lagata.
hamaaree zindagee se ho gaee hai khatm raunak sab.
hua soona tumhaare bin ye ghar achchha nahin lagata.
rahe jab tak salaamat jaan jienge shaan se tab tak.
jhuka jo paanvon mein rakkha vo sar achchha nahin lagata.
bhalaee kar sabhee ke saath mein rah lo sharaafat se.
kare jo kaam khote vo basar achchha nahin lagata.
madhur meethe sabhee ke man ko bhaate hain bahut jyaada.
nibaulee kee tarah kadava samar achchha nahin lagata.
pahaadon se utar aate hain kashyap log chadh kar ke.
hamesha ke lie ooncha shikhar achchha nahin lagata.
Pradeep Kashyap